Nuevo artículo en veredes.
STUDIO GORM, na súa serie Peg (Peg + Wood Peg) recolle dous das principais características da tradición Shaker: A primeira consiste na unión das pezas de madeira por ensamblaxe sen utilizar accesorios; que deriva da forma de vida destas comunidades, onde se utilizaban unicamente os materiais de que dispoñían na súa contorna inmediata.
A segunda é a referencia á tradición Shaker de colgar os mobles da parede mediante uns elementos de mobiliario especialmente deseñados para iso, ésto permitía o uso do espazo doméstico para distintas actividades liberándoo de mobles en función das necesidades; non hai que esquecer que o termo Shaker (axitado) deriva das danzas ao bordo do transo que realizaban para liberarse do mal.
As resonancias da tradición Shaker parecen expandirse con gran éxito mentres a última comunidade formada por catro membros agoniza no estado de Maine, debido a que os grupos son célibes e só poden captar novos membros a través da adopción ou a conversión. Pero as versións contemporáneas non resultan tan evocadoras como o deseño xenuíno, como se aprecia no excelente catálogo de mobiliario Shaker que se pode descargar en Abbeville. Para saber máis sobre a vida nestas comunidades, Cabovolo escribiu un interesante artigo.
Xosé Suárez, arquitecto
Santiago de Compostela, outubro 2010
Publicado en Nº 313 [sillas…]